11/10/2016

Dagur útgáfuboðanna

Allir saman!Það verður nóg að gera hjá unnendum nýrra íslenskra bókmennta næsta fimmtudag, 13. október, því þá fögnum við útgáfu þriggja glæsilegra bóka eftir unga höfunda sem hafa þegar stimplað sig rækilega inn í íslenskt bókmenntalíf.

Í Eymundsson Austurstræti kl. 17 höldum við upp á útgáfu bókarinnar Fyrir allra augum eftir Sverri Norland. Sverrir vakti athygli fyrir fyrstu skáldsögu sína, Kvíðasnillingana, sem þótti bera með sér ferska vinda inn í íslenska skáldsagnagerð. Í nýju bókinni dregur hann upp ögrandi mynd af kynslóðinni sem lifir lífi sínu fyrir allra augum; afhjúpar sig á netinu, frelsar á sér geirvörturnar og finnur sig (eða finnur sig ekki) á Tinder. Brekandi fersk saga um íslenskan samtímann.

Á Loft Hostel í Bankastræti er hins vegar um tvöfalt útgáfuboð að ræða. Þar verður haldið boð til heiðurs tveggja nýrra barnabóka: Vetrarhörkur eftir Hildi Knútsdóttur og Skuggasaga 2 – Undirheimar eftir Ragnheiði Eyjólfsdóttur. Bækurnar eiga það sameiginlegt að vera seinni hlutar afar vinsælla bóka sem komu út fyrir jólin í fyrra en báðar hlutu þær verðlaun og hinar ýmsu tilnefningar.

Í Vetrarhörkum velta Bergljót og pabbi hennar fyrir sér áhrifum geimveruárásarinnar á landið en spurningarnar eru óteljandi: Hvað vilja þær? Er hægt að sigrast á þeim? Verður lífið einhvern tíma venjulegt á ný?

Í Undirheimum er aðalsöguhetjan Saga sökuð um svartagaldur og neyðist til þess að flýja úr Álfheimum. Á flóttanum heyrir hún um Undirheima – dularfulla staðinn þar sem kúgaðir álfar hafa beðið lengi eftir að forn spádómur rætist. En getur staðist að Saga sé frelsishetjan Bláeygur sem svo miklar vonir eru bundnar við?

Frekari upplýsingar um útgáfuboðin má finna hér og hér.

Á báðum stöðum verða léttar veitingar í boði, bækurnar til sölu og auðvitað eru allir velkomnir.

Til baka
Hildur Knútsdóttir er fædd 1984. Eftir stúdentspróf var hún sjálfboðaliði í Gvatemala og ferðaðist um Suður-Ameríku. Hún bjó veturlangt í Berlín og dvaldi eitt ár á Tavían og lærði kínversku við Cheng Chi-háskólann í Taipei. ...
Rafbók
Forlagsverð: 1.340 kr.
Kaupa
Kaupa gjafabréf

Forlagsverð: 3.000 kr.
Kaupa

Rafbók
Forlagsverð: 3.690 kr.
Kaupa
Kaupa gjafabréf

Forlagsverð: 3.725 kr.
Kaupa

Forlagsverð: 4.190 kr.
Kaupa

Forlagsverð: 4.390 kr.
Kaupa

Nýjar bækur | Spennusögur | Barnabækur | Skáldsögur | Ljóð
karfan mín
Leita