Álfrún Gunnlaugsdóttir

Álfrún Gunnlaugsdóttir er fædd 18. mars 1938. Hún tók stúdentspróf frá MR 1958. Lic. En fil. Y en letras frá Universidad de Barcelona 1965. Dr. Phil. frá Universidad Autónoma de Barcelona 1970. Vann að doktorsritgerð við Háskólann í Lausanne í Sviss 1966 til 1970. Lektor í almennri bókmenntafræði við Háskóla Íslands 1971 til 1977. Dósent í almennri bókmenntafræði frá 1977 til 1987 og prófessor frá 1988.

Álfrún hefur verið meðal virtustu höfunda þjóðarinnar síðan hún gaf út sína fyrstu bók, smásagnasafnið Af manna völdum (1982). Aðrar bækur hennar eru Þel (skáldsaga, 1984), Hringsól (skáldsaga, 1987), Hvatt að rúnum (skáldsaga, 1993), Yfir Ebrofljótið (skáldsaga, 2001) og Rán (skáldsaga, 2008). Hún hlaut Menningarverðlaun DV í bókmenntum 1985 fyrir skáldsöguna Þel. Skáldsagan Hringsól var tilnefnd til Bókmenntaverðlauna Norðurlandaráðs árið 1990 og hefur komið út í Frakklandi og Danmörku. Yfir Ebrofljótið var tilnefnd til Íslensku bókmenntaverðlaunanna 2001, og Rán var tilnefnd til sömu verðlauna árið 2008. Fyrir Rán hlaut hún það ár bæði Menningarverðlaun DV í bókmenntum og Fjöruverðlaunin.

Í skáldverkum sínum lætur Álfrún fortíð og nútíð iðulega takast á í huga persónanna. Söguhetjur hennar horfa til baka, nauðugar eða viljugar eftir atvikum, og máta stöðu sína í samtímanum við afdrifarík tímabil í fortíðinni.  Álfrún ólst upp á stríðsárunum þegar Reykjavík var krökk af erlendum hermönnum og stjórnmálaátök, stríð og ábyrgð mannsins gagnvart sjálfum sér og öðrum er endurtekið stef í öllum verkum hennar. Hún var við nám á Spáni undir ógnarstjórn Francos hershöfðingja og veit því af eigin reynslu hvernig áhrif andrúmsloft ofbeldis og kúgunar hefur á fólk. Þá reynslu notar hún meðal annars í skáldsögunni Rán sem fjallar um íslenska stúlku við nám í Barcelona á sama tíma og hún var þar sjálf.  Rán verður ástfangin af ungum andófsmanni og Álfrún sýnir af miskunnarleysi barnaskap Íslendingsins gagnvart þessum grimma heimi sem er okkur svo framandi.

Sagnaheimur Álfrúnar er umfangsmikill og víður, sögur hennar eru evrópskar í besta skilningi þess orðs. Álfrún nýtir sér á skapandi hátt þekkingu sína á ólíkum bókmenntaformum og krefst mikils af lesendum sínum. En verkin launa líka vel góðum lesanda.


Kindle

Nýjast | A–Ö | Verð ↓
1
Forlagsverð: 2.200 kr.
Kaupa

Forlagsverð: 1.750 kr.
Kaupa

1
Nýjar bækur | Spennusögur | Barnabækur | Skáldsögur | Ljóð
karfan mín
Leita